千房 (已結業)

一直都想自己整大阪烧，今日终于有机会喇！旺角T.O.P.商场新开无几耐，但系客人如潮。今日约埋朋友去玩餐饱！首先点左两款小食—杂菌、牛舌。炒杂菌好香口。上桌前已经煮好，不过食之前兜一兜热更美味。用大量蒜头爆香，加少少盐已经好入味。至于另一款小食—牛舌，放上微微冒烟嘅烤盘，厚切嘅牛舌轻轻一烤就熟了。7成熟刚刚好，烤太耐会易㶶啊！处理完牛舌，烤盘会剩余少许牛肉嘅汁水，用黎煎洋葱、蛋、芽菜等配料最好不过。轮到主菜大阪烧，拣左芝士豚平烧，只系$55，性价比高，又平又好味。厨师用一层薄薄嘅蛋包住豚肉，夹杂住厚厚嘅芝士，夹起会有拉丝嘅效果，好邪恶。虽然话就话系自己烧，但大部分款式都系预先煮好，啱晒我呢个懒人，唔虽要好识控制火喉，想玩下过下瘾又可以放上pan烧一烧，好玩又好味。