道頓堀御好燒專門店 (康怡廣場) (已結業)

呢间系尖沙咀已经开左好耐，次次都好多人排队。见到康怡开左分店，仲要唔洗排队！即刻冲入去食！见到餐单上面好多种大阪烧：文字烧、御好烧、广岛烧。分别应该都系大同小异。餐厅仲有炒面、pancake等等实在是花多眼乱，最后拣左meau上话热卖既道顿堀杂锦御好烧同教学牌上既奄列蛋包炒面。上菜速度十分快，首先整左望落容易整d既杂锦御好烧。其实只要将材料捞匀，倒落块pan到正反面煎5分钟就搞掂。再diy落烧汁、沙律酱、木鱼粉同埋紫菜粉就食得。食落去同平时食既章鱼小丸子一样味道，因为材料同酱汁都一样，所以都几好食！跟住就到奄列蛋包炒面，首先炒左芽菜同其他配料，跟住再落面去炒，然后系隔离整一个蛋皮，最后包住炒面。我系fail既！因为照餐厅张纸上既教学系将蛋皮包住炒面，但个炒面份量大过个蛋皮好多，反一反就烂左，只怪我技术不够！ 见到隔离台有服务员帮忙，原来系将蛋皮煎完就咁放上炒面上面。炒面面质弹牙，配料都算多，但要提提大家炒面既时候落调味汁落多d都唔怕，因为我落得太小，稍微唔够味。整体黎讲呢间餐厅又有得郁手互动下试下整野食，野食又几好食，价钱又平，值得再去食啊！