小南國 (已結業)

京川沪菜，喺香港一直都好有市场。喺港人疯狂爱上麻辣刺激嘅川菜之前，浓油赤酱嘅沪菜曾几何时都独领风骚。今日嚟到沙田新城市广场，餐厅一大箩，好耐未食过上海嘢，又想坐得舒服啲，就去咗上海小南国。喺广场The Menu行到最尽头嘅角落，就见到喇。最钟意上海菜𠮶啲小碟，今日叫咗金瓜丝海蜇皮同绍兴花雕醉鸡。金瓜喺街市见得多，食其实系第一次。原来佢好爽，清新可口。虽然海蜇得𠮶两三条好呃秤，但金瓜丝够好味补番数。醉鸡都唔错，酒味香浓，但个鸡略嫌老咗少少。小菜系列叫咗香酥鸭，配薄饼上。其系佢个皮比较似春卷皮，脆但唔系想象中嘅香酥。用热辣辣嘅薄皮，夹住大葱、青瓜同辣椒条嚟食，可以幻想自己食紧片皮鸭。食上海嘢点少得包饺系列？叫咗个灌汤生煎包。一咬就有汁喷出嚟，真系要小心烫咀先得呀！生煎包嘅皮上层香软，底下香脆，好味！系个肉就细粒咗啲。脑里面突然浮起N年前，第一次食小杨生煎嘅画面⋯唔知而家xiao yang系咪依然好味，定已经梗唔落？