雲來 (已搬遷) 新店位置

新北江小食店，餐厅何其多，而云来只系新北江小小既角落，成个铺位只有一张枱比客人堂食，如果多过一枱客人既话就只好系周围附近开折枱坐，尤如街边大排档咁。呢度既水煮鱼小辣就唔点辣，用左唔少辛香巴椒粒，辣椒干，胡椒等等辛料煮成。我最钟意系佢既青瓜爽口而且汤慢慢渗入里面，认真好食。鱼冇骨薄片，绝对方便我呢啲粗心大意既人食。汤中仲芽菜，薯粉，一定可以食饱饱，虽然薯粉本身透明状，但啲汤浸下浸下已经变左浅啡色，够哂浓味。手撕鸡味道唔错，鸡肉冇比麻辣cover哂，而且仲有芽菜，花生伴菜，冇咁寡成碟𩠌。蒜泥白肉好香干蒜同辣椒油味，非常惹味。当然唔少得必食木耳，又平又好食，份量多。