馬哥孛羅香港酒店大堂酒廊

营业中

休息中

上年入咗MARCO POLO HONGKONG HOTEL嘅会籍。可以喺佢旗下酒店任何一间食自助餐都会有折。今日就去咗酒店大堂洒廊，食佢嘅半自助餐。沙律冷盘和海鲜选择很多，各式各样，最主要系有我至爱的生蚝都是任攞任食，不用配给。每台还会放一篮面包再加牛油和其它酱料于餐枱上,任君食用。而餐汤我拣了忌廉蘑菇汤，新鲜的蘑菇打成蓉加入忌廉同煮香气逼人，而且仲食到粒粒的蘑菇很有口感，值得赞。主菜要咗香煎三文鱼配法边豆，三文鱼煎得十分之干身嚡口。好彩啲配菜够嫩酱汁够香，但因之前食沙律冷盘,冻海鲜和生蚝已经食得太饱，所以三文鱼只食了一片仔，避免浪费，剩返其余𠮶啲畀晒屋企人夹硬食。另一个煮菜系餐牌冇写嘅烧牛肉，要咗5成熟。牛肉粉嫩软滑，好好食，略嫌配菜过多食唔晒 。最后甜品我拣咗每款各一，虽然食得很饱但装甜品的是第2个胃，所以食完甜品做结尾，感觉幸福满满的。