大和豚総本店 (已結業)

同男朋友喺旺角行完街，就梗系要揾返个好地方撑枱脚啦~呢个商场入面餐厅选择唔少，但就好多都要大排长龙，荡荡下见到呢间唔洗等，心谂一系d野食比较贵、一系就系d野食比较差，后来发现系前者，咁即管豪一次半次啰~我地被安排左喺一个几自成一角既卡位，不受骚扰，唔错唔错~！食物方面梗系要试佢地既招牌豚肉啦，店员放好晒d餐具、前菜同食物后，将长枱即时full咗~店员同我地讲解左点样烧后，男友就开始细心烧肉畀我食，两口子好似自己喺度玩煮饭仔咁，几开心~食物质素唔错，d豚肉都好好嚼口，夹生菜食好好味又减去肥腻，食多几件都唔怕~我觉得以呢个价钱，可以两口子好好enjoy用餐时间同空间，算系超值~