影片
更多
2017-01-19
1618 浏览
年近岁晚，就会有唔少朋友想聚一聚乘机搞团年饭，今次有朋友吹鸡，又唔使小弟搞，就梗喺举手啦。百乐小馆以潮州嘢挂帅，但又有其他菜系，一举两得！而佢喺铜锣湾老店百乐潮州嘅年轻分线，自然对其出品有多份信心！比起老店，百乐小馆嘅环境的确「年轻」好多，以木条为主题，拉出唔同嘅线条，一扫潮州老饼嘅感觉。咸酸菜、花生小碟食潮州菜，除卤水以外，最怀念仲有咸酸菜，餐前小食就有咸酸菜及脆花生，小弟细个都试过加多碗潮州粥，就当一餐。今次餐牌就唔多提，因为好大本，页数多，影起嚟较麻烦。但打开餐牌，就有介绍餐厅嘅品牌，先明白餐厅嘅英文名何解，所以，未开餐，先饮番杯功夫茶。嚟食潮州嘢，都好难会错过潮州卤水，有鹅肉片、鹅掌翼、五花腩肉、牛展、猪大肠、墨鱼片、猪脚蹄、拼盘、双拼……等等。有小份，亦有例牌选择，更列明小份1-3人享用，例牌就4-6人享用，俾大家叫𩠌时有个预算。卤水骨香鹅肉片 $148卤水鹅就最诱人，鹅肉切片大细厚薄均一，肉质柔软有口感，鹅味浓，卤水醇香沉实，果然喺老店嘅手势。垫底嘅卤水豆腐，同样软滑带淡淡豆香。除卤水，仲有啲潮式嘅特色前菜，如潮式炸鱼皮、潮州咸鸡，潮式烟熏鸭胸。潮式烟熏鸭胸 $88碟鸭胸嘅
比起老店，百乐小馆嘅环境的确「年轻」好多，以木条为主题，拉出唔同嘅线条，一扫潮州老饼嘅感觉。
咸酸菜、花生小碟食潮州菜，除卤水以外，最怀念仲有咸酸菜，餐前小食就有咸酸菜及脆花生，小弟细个都试过加多碗潮州粥，就当一餐。
今次餐牌就唔多提，因为好大本，页数多，影起嚟较麻烦。但打开餐牌，就有介绍餐厅嘅品牌，先明白餐厅嘅英文名何解，所以，未开餐，先饮番杯功夫茶。
嚟食潮州嘢，都好难会错过潮州卤水，有鹅肉片、鹅掌翼、五花腩肉、牛展、猪大肠、墨鱼片、猪脚蹄、拼盘、双拼……等等。有小份，亦有例牌选择，更列明小份1-3人享用，例牌就4-6人享用，俾大家叫𩠌时有个预算。
卤水骨香鹅肉片 $148卤水鹅就最诱人，鹅肉切片大细厚薄均一，肉质柔软有口感，鹅味浓，卤水醇香沉实，果然喺老店嘅手势。垫底嘅卤水豆腐，同样软滑带淡淡豆香。
卤水骨香鹅肉片
$148
37 浏览
1 赞好
0 留言
除卤水，仲有啲潮式嘅特色前菜，如潮式炸鱼皮、潮州咸鸡，潮式烟熏鸭胸。
潮式烟熏鸭胸 $88碟鸭胸嘅卖相都几靓仔，其实，小弟都唔喺太知潮唔潮式嘅分别，但个鸭胸淋上蜜糖橙汁，下底垫有鲜菠萝片，几新派嘅感觉。味道又几唔错，酸甜嘅酱汁平衡番鸭胸嘅脂油，食落更感轻盈，而烟熏嘅香味令鸭胸更有个性。
广东人一向都喜欢饮汤，潮州人都喺，所以，餐牌内有多款汤羹选择，下火之选就梗喺经典嘅咸菜猪肚汤。
咸菜猪肚汤 $128食完啲前菜、小食，一锅热汤，倍感窝心。汤内嘅胡椒味十足，带点辛辣刺激，而咸菜所引出嘅酸香，唔会太过分；猪肚件爽腍，无一点猪燥味，可知洗猪肚喺件几烦琐嘅事。
百乐一品煲 $198啲咩拼盘、什锦锅之类包罗万有，就最易附合到唔同人嘅喜好，所以，依一道百乐一品煲集齐多款海鲜、海味，如鲍鱼、带子、花胶、海参、虾球，伴啲鸡柳、西兰花、冬菇，可见用料「一品」。虽然唔喺样样试晒，但花胶软滑富胶质，虾球又大又爽弹，就连粒冬菇都好食好多，哈哈！
主餐牌内实在有太多选择，正所谓不时不食，所以，店方都推出唔少厨师时令推介，想烦少啲就可以不妨晌依度着手。拣嚟大芥菜煲、羊腩煲及腊味饭，一窥质素如何。
胡椒排骨大芥菜煲 $98冬天食煲仔菜宁舍有风味，而且，以煲仔熨住，啲𩠌菜亦无话咁快冻。胡椒香味当然突出，排骨好松化，大芥菜吸收咗汤嘅精华，自然更好食。最后，煲内嘅汤同样饮得，所以，饮得就唔好嘥，节俭喺潮州人嘅特性。温提，多男生惊唔够饱肚，可以加$20加蕃薯。
潮式北葱羊腩煲 $288是晚重点菜式卒之登场，羊腩煲本身跟生菜，但加$20可以转其他蔬菜。一大锅羊腩煲需先明炉煮一煮，一开盖真喺芳香到不得了。问过店员，何谓潮式，原来主要分别喺去晒骨，所以食起嚟啖啖肉，兼且好酥化，羊膻味唔霸道。而酱汁浓杰度啱啱好，将鲜嫩嘅豆苗沾上酱汁食，绝对升级晒，其次支竹、马蹄亦不能错过。
潮式北葱羊腩煲
$288
177 浏览
1 赞好
0 留言
金不换柠檬蒸乌头 $128潮州菜中冻乌头、剥皮鱼都喺几多人钟意嘅菜式，天寒地冻食蒸鱼，乌头蒸出嚟意外地嫩滑，更以金不换、柠檬蒸，别有一番滋味。提一提，人少可以嗌半条，只卖$68！
合时腊味饭 $240腊味饭压轴登场，睇见一大煲腊味饭，而腊鸭、润肠、腊肠、腊肉铺满整个饭面，非常吸引，几日前先同啲死佬晌御苑皇宴食过腊味饭，估唔到咁快又再遇上。合时腊味饭其实喺断位计，$60客，4人起，不过，眼前依煲喺4人份，已足够5、6人享用。
小弟就钟意落多少少甜豉油，所以，豉油另上就方便客人要多要少，软熟嘅饭粒添了豉油，又有腊味渗下嘅油香，真喺好甘香。腊味嘅质素亦相当高，腊肠好有玫瑰露嘅酒香，膶肠极之膶口，内里嘅膶肝好丰腴，腊鸭同样油润而酥香。
喜欢食甜品嘅朋友都不愁无选择，一大个甜品餐牌，足有10款之多，当中不乏「潮」味之选。
蛋白杏仁茶 $38食咗咁多油腻嘢，清香嘅蛋白杏仁茶就能最讨我欢心，杏仁味又香又浓，质感顺滑，蛋白又多，食埋个糖水，暖透心兼好满足。
果然有老店晌背后撑腰，整晚所试嘅每道菜式，都高水准，具质素。咪睇嘅员工都喺上年纪，反而个个都敬业乐业，礼貌周周，服务熨贴。最后，来多一杯功夫茶作结，消腻解滞，非常舒服！
张贴
