茶軒台灣料理珍珠奶茶 (已結業)

有日一枝弓依度医肚，诚如其他食客所讲，依度服务真系有问题。首先门口从来都无人招呼，要自己撞入去揾侍应招呼，佢又成日赶头赶命，见到一班人入，求其指两张空，就叫客自己搞掂，真系完全大牌档格局。如果系无咨客，咁门口个柜台系要做乜架呢？落单方面，侍应睇系将执放首位，所以一日仲有未执，佢系唔会帮人写的。不过公道讲，佢做算系勤快的，唯一唔明系唔知点解全店员工都系黑口黑面，好似个个都俾人闹完咁，令人见到有唔愉快。至于食物方面，总系令人有种粗制滥造感觉，竹筒饭不过系将饭放入一个竹筒形器皿内，口感完全唔似系蒸过。珍珠奶茶只饮得出系开粉水，论整体质素完全及唔上佢其他分店。埋单时见顾客自己行埋去收银员到找数，完全好似FOOD COURT咁，基本上依度系无乜服务可言。