豚王 (新城市廣場) (已結業)

今日喺沙田放工，约左朋友喺新城市广场揾食。放工时间周围都好多人，但见豚王少d人，等左5分钟就有位。入到去环境都唔错，但我个位咁啱有条横柱顶住伸唔到脚，唔太舒服😞。至于拉面，叫左碗肩肉豚王（猪骨汤）幼面，普通酱油走油走蒜。净汤底巳经好香，面条有韧度，两块肩肉唔太肥，夹埋一齐食啱啱好。平时食拉面都觉得d汤好咸，食完之后劲口渴，但豚王就唔会，可以自己拣汤底，少油少味精，食完都冇咁肥。😎😎朋友叫左碗黑王（墨鱼汁汤底），少辣。碗面上面有个类似黑色雪糕球的物体，朋友话食落去好似系蒜粒，汤底有海鲜味，徝得一试。另外试埋两款日本啤酒🍺，惠比寿全麦啤酒（金色）和札幌啤酒（银色）。推荐前者，麦味比较重😋。