狂野麻神麻辣火鍋 (已結業)

虽然一大班一同一个㶽烚下烚下系最开心，但基于疫情既影响唯有自私食先。今次又有人带我食好西，朋友带左我黎呢间新既麻辣火锅店食lunch，虽然我唔太食得辣但好彩佢地既lunch set有好多款选择同时迎合到食辣同唔食辣既人。药膳醉鸡汤鸡肉份量好慷慨，全部都系以鸡翼同鸡槌为主就食到啖啖嫩滑既鸡肉。鸡翼同鸡槌都吸尽药膳汤底既精华就内外鸡肉同样入味。药膳汤底浓郁，药膳味唔会过浓令汤底变得苦涩。带药材香既同时亦带一阵酒香，饮完一啖汤后令到成个人都暖晒。药膳汤底越滚越浓但又唔会过咸,值得一赞。选择左以拉面作为主食，拉面烟烟韧韧，唔会好易变糊。配料同样丰富，木耳爽脆健康又挂上鸡汤既精华。白笋够脆身同样充满水份够晒清新.青柠梳打食热辣辣既一人锅当然要配返清爽冰冻既饮品降一降温，酸酸甜甜又带气既青柠梳打最适合不过。