棕櫚閣西餐廳

营业中

休息中

呢排有几个亲戚嚟到香港，所以就带佢哋去食自助餐，因为自助餐入边有晒中西日等等嘅口味，可以一次过满足晒拒哋嘅需要，唔怕俾我哋话招呼唔周到。但系身为香港人嘅我，已经食过香港好多嘅自助餐，所以普通嘅食物我就唔特别讲啦，我就推介几款的一道比较好食嘅。冷盘嘅牛肉唔系到到都会有，其他地方嘅冷盘可能只会有沙律，多嘅话会有返日式冷盘，系呢度会有薄切的冷牛肉，中间还有嫩红色，味道不错。杂菌海鲜夹饼，我大爱呢种。外面系用一层好薄嘅皮，呢个被煎香左之后会非常之脆身，入边就包左好多唔同嘅杂菌同埋芝士，即叫即整即食好正。燕窝炖奶好少自助餐会有中式嘅甜品，特别系呢一个炖奶，所以我一口气都食咗两碗，佢呢度嘅炖奶有中式嘅传统风味，非常之滑溜同埋香浓，必食。跟住就系一人一份嘅海胆啦，呢度其实绝对唔孤寒，每一个人会有一份自私嘅海胆同埋蟹子沙律，唔好睇佢细细地嘅一份，其实佢嘅份量都非常之够，一个人食啱啱好。 最后想讲讲就系佢嘅雪糕啦，佢用咗名牌嘅雪糕，有士多啤梨，云呢拿同埋朱古力三个口味，喺食完正餐之后食返个雪糕再喺隔离冲番杯热嘅咖啡饮，好舒服。