8鍋臭臭鍋 (金巴利道) (已結業)

等咗咁耐等到颈都长，终于都冻啲，去完赤柱冻冰冰，就系谂住嚟食呢度嘅臭臭锅，由于我太唔钟意同人一齐share所以一人一锅就啱晒我讲下环境先，有少少圣诞布置都几有气氛，环境算宽阔唔会话坐得好迫，最好就系店内竟然有厕所加分！不过重点梗系啲嘢食啦明明我同我朋友都谂住食臭臭锅最后我就拣咗麻辣锅佢就拣咗蒜蓉牛肉锅。酱油方面几充足， 可以跟住佢menu指示调校酱。主角麻辣锅汤底香浓野味，topping 有我最钟意嘅鱼糕猪红同埋泡面，冬天真系舔舔脷。食食下几辣就叫咗杯蜜桃绿茶，真系有少甜到，衷心抵赞，事关对于正常餐厅饮品有时真系会甜到饮吾落🙈神奇嘅系我朋友个蒜蓉㖞望落去白晒晒咁， 但个味道竟然一啲都唔啖，有好香浓既蒜蓉味，钟意食蒜蓉嘅朋友一定要试吓！topping 相对健康啲，多啲蔬菜另外，可以拣配粉丝或者饭，我见到隔离枱个饭超大碗，不过𠮶日我地去完芬兰圣诞展食都有少少饱，所以就叫咗粉丝！