影片
更多
2021-12-16
344 浏览
📍 616牛肉火锅专门店第一次食616就系试午市先有嘅小火锅，一人一锅岩岩好，个日入座嘅客人全部都有嗌一人一锅，好受欢迎～🍽食物：午市小火锅套餐$78同屋企人食嗌左4个小火锅，分别可以拣汤底、肉同饭/公仔面/乌冬，以下系我哋拣嘅汤底：👍🏻理想点鲜+俄罗斯金花趾呢个嘅摆盘系最靓😂汤底用牛腩同牛骨熬出嚟，好有鲜味，同火锅料好夹～ 金花趾冇乜脂肪同埋有牛味 👍🏻熔岩沙嗲汤+滑尾龙沙嗲汤好香嘅花生味而且会愈煮愈浓，仲有粒粒花生碎，渌牛肉真系好正，唔怕重口味嘅真系要试下！最后加公仔面系绝配🤤滑尾龙就系牛嘅后腿肉，所以比较靭，但有肉味搭救👎🏻鲜牛油麻辣汤+俄罗斯封门柳麻辣汤底最唔推🥲净系得辣油嘅死辣，食唔到其他香料味，仲愈滚愈辣，连麻既感觉都冇，连食材嘅味都食唔到，最后要过水先食到😂封门柳牛味好浓，可惜跟错汤底🥲👉🏻青花椒辣汤+牛驼峰有啲似酸菜鱼嘅汤底，愈煮会愈辣，仲有啲酸菜一齐滚，味道唔会好咸，但系味道比较单调冇乜特别。牛驼峰嘅雪花比较多，食落都比较淋入面都有固定嘅料：娃娃菜、金菇、蜂巢豆腐、蛋饺、熟帆立贝、牛丸、贡丸配料味道都系正常，我最中意蜂巢豆腐，可以索晒汤底嘅味道～👍🏻匙柄 $48上到嚟
第一次食616就系试午市先有嘅小火锅，一人一锅岩岩好，个日入座嘅客人全部都有嗌一人一锅，好受欢迎～
🍽食物：
午市小火锅套餐$78
同屋企人食嗌左4个小火锅，分别可以拣汤底、肉同饭/公仔面/乌冬，以下系我哋拣嘅汤底：
👍🏻理想点鲜+俄罗斯金花趾
呢个嘅摆盘系最靓😂汤底用牛腩同牛骨熬出嚟，好有鲜味，同火锅料好夹～ 金花趾冇乜脂肪同埋有牛味
👍🏻熔岩沙嗲汤+滑尾龙
沙嗲汤好香嘅花生味而且会愈煮愈浓，仲有粒粒花生碎，渌牛肉真系好正，唔怕重口味嘅真系要试下！最后加公仔面系绝配🤤滑尾龙就系牛嘅后腿肉，所以比较靭，但有肉味搭救
👎🏻鲜牛油麻辣汤+俄罗斯封门柳
麻辣汤底最唔推🥲净系得辣油嘅死辣，食唔到其他香料味，仲愈滚愈辣，连麻既感觉都冇，连食材嘅味都食唔到，最后要过水先食到😂封门柳牛味好浓，可惜跟错汤底🥲
👉🏻青花椒辣汤+牛驼峰
有啲似酸菜鱼嘅汤底，愈煮会愈辣，仲有啲酸菜一齐滚，味道唔会好咸，但系味道比较单调冇乜特别。牛驼峰嘅雪花比较多，食落都比较淋
入面都有固定嘅料：娃娃菜、金菇、蜂巢豆腐、蛋饺、熟帆立贝、牛丸、贡丸
配料味道都系正常，我最中意蜂巢豆腐，可以索晒汤底嘅味道～
👍🏻匙柄 $48
上到嚟即刻俾人瓜分左影唔切相😂好彩都有close up，牛味好浓而且脂肪唔多得黎佢又做到好软淋，食落去应该唔会系用咗梳打粉那过啲肉，可见品质方面好好，难怪个个嚟到都会嗌，我觉得系咁多款肉入面最好食个只
👉🏻菊花桂圆露 $15
为左解辣而嗌都系冇影到相😂好似一般菊花茶，唔算好甜
酱料 $10/位
⛩环境
👉🏻本身睇张枱都几大，但叫左一人一锅之后发觉都几迫😂不过晚市打边炉应该还好
👉🏻环境阔落，灯光都好光猛，不过地下有啲痴痴地扣分
💁🏼♀️服务
👉🏻员工上菜前会介绍菜式，服务态度正常，唔会话特别好笑容
👉🏻系酱料区隔离有水壶自助斟水，涷热水都有
📝总评
一人一锅够方便唔洗争食😂而且价钱合理，散嗌仲有折头都算几抵食～今次试晒咁多汤底，理想点鲜同沙嗲汤真系最出色👍🏻 如果encore我都会嗌返呢2款～ 再试匀唔同部位嘅牛🤤
👛人均消费 ~$90(冇加一)
⏱冇限时
张贴
