千房 (已結業)

今晚放工，同朋友行商场，见到依间食大阪烧嘅餐厅，因为好挂住日本的大阪烧，所以同朋友试一试。间餐厅都几大，座位好阔落，门口挂著千房大阪烧的横额。餐厅除咗有二人枱同四人枱之外，仲可以坐在bar枱，望著厨师整大阪烧。餐牌种类唔系太多。我地点咗一个特盛海鲜大阪烧$88，一个什锦日式炒面$88同一客香脆铁板饺子🥟。落单后，店员好贴心咁问：大阪烧你地想DIY定厨师整，咁我地当然拣咗DIY玩一玩。店员会附上材料同一个计时器。我地可以自己整啦。之后按住指示牌，step by step 整，就完成了。不过我地整个唔系几靓。不过都叫好食。个大阪烧我地加咗大阪烧酱丶沙律酱丶日本紫菜碎同木鱼片变得好浓味。同大阪烧好夹。而啲香脆铁板饺子都好脆，皮薄，不过馅料实在太少。而饺子沾上酱油会较入味。什锦日式炒面，都几大份，自己可以炒几下。啲炒面都几大条同弹牙，啲虾大只而爽脆，不过啲面酱油味太浓所以有些许咸。有得食仲有得玩，系一次好好的晚餐体验。仲有一点，餐厅系要加一服务费的。