壹蒸鍋

兆万出名多食肆，好几间我都食过了，今日带 friend 食新野，就系呢间壹蒸锅了。佢既特色系好大盘的十种八种时令海鲜用蒸笼来煮，然后D精华就会滴落去粥底。咁个粥咪自然好够鲜甜啰！你睇，盘海鲜都好壮观架！真系见到都流口水。每个枱面都会有个计时器，蒸十分钟便食得了。鲍鱼，紧紧熟，唔韧又好鲜味。我加左D自制辣酱上去，份外惹味。龙虾身就啖啖肉，龙虾头就爆多膏，都系啱啱好熟，好鲜甜好得噃！元贝够大只，又入味，但是煮得耐左少少，影响口感。蛏子都over 左，一般啫⋯⋯其实将不同海鲜放入去一齐蒸，都真系会有此问题，要谂谂点解决㖞。蒸蚝多蒜蓉够肥美，有海水鲜味。食左咁耐，其实呢D只不过系头盘咋！佢仲会有一张蒸品或配料可以无限追加，食到几多就睇你个胃有几大啦！龙虾头我留返来煲粥，因为贪佢够多膏。之后我地就随便 order 左D牛肉呀、虾呀、蚬呀、菜呀之类，加晒入去就ok 了。我就整左碗自家制牛肉蚝仔龙虾粥，十分满意。飮品同甜品例如雪米糍同雪条都是任食的，埋单二百头，食足两个钟，好满足。