影片
更多
2012-05-06
562 浏览
公司o既前线同事搅team building，我有幸被邀请参加。平时去长洲通常系中环搭新渡轮，但我今次就坐公司o既靓游艇出海。我地一行廿个同事，去到酒楼坐低，酒楼侍应叫我地先去附近街市买海鲜，佢地跟住会帮我地煮。我地当初以为长洲会有海鲜街之类卖海鲜，好似西贡咁，可能地方太细，所以只有系街市度买海鲜。街市卖海鲜都系得几档，真系海鲜价，唔知乜价钱。白灼虾好鲜甜，好新鲜，又大只，我最钟意食虾，真系要多谢秘书小姐拣得好。椒盐濑尿虾，平时我多数唔食，因为食得好麻烦，真系唔多识食。但今次同事教同濑尿虾做按摩，果然同只虾做完按摩后，好容易就将一条虾壳剥出黎，好食同好甜。豉椒炒蛏子，虽然蛏子好食，但D辣椒好辣，辣到盖过晒蛏子D鲜味，所以都几浪费D蛏子。蒜茸炒白菜，味道都系一般，同平时食开都系差唔多。侍应话D白菜系长洲本地菜，真系自家菜，认真够晒新鲜、健康。蒸鲜鱼真系好新鲜，啖啖肉，鱼骨唔算多，而且蒸得火喉恰到好处，冇话蒸耐左。赞酥炸豆腐就真系好一般，见到张相得一半份量，因为我系同事起筷前唔记得左影相。冇乜味，似食炸豆腐卜咁。蒜茸粉丝蒸扇贝，落得太多油，本身扇贝系比较清淡o既海鲜，D油盖晒D鲜味，而且睇
我地一行廿个同事，去到酒楼坐低，酒楼侍应叫我地先去附近街市买海鲜，佢地跟住会帮我地煮。我地当初以为长洲会有海鲜街之类卖海鲜，好似西贡咁，可能地方太细，所以只有系街市度买海鲜。街市卖海鲜都系得几档，真系海鲜价，唔知乜价钱。
白灼虾好鲜甜，好新鲜，又大只，我最钟意食虾，真系要多谢秘书小姐拣得好。
椒盐濑尿虾，平时我多数唔食，因为食得好麻烦，真系唔多识食。但今次同事教同濑尿虾做按摩，果然同只虾做完按摩后，好容易就将一条虾壳剥出黎，好食同好甜。
豉椒炒蛏子，虽然蛏子好食，但D辣椒好辣，辣到盖过晒蛏子D鲜味，所以都几浪费D蛏子。
蒜茸炒白菜，味道都系一般，同平时食开都系差唔多。侍应话D白菜系长洲本地菜，真系自家菜，认真够晒新鲜、健康。
蒸鲜鱼真系好新鲜，啖啖肉，鱼骨唔算多，而且蒸得火喉恰到好处，冇话蒸耐左。赞
酥炸豆腐就真系好一般，见到张相得一半份量，因为我系同事起筷前唔记得左影相。冇乜味，似食炸豆腐卜咁。
蒜茸粉丝蒸扇贝，落得太多油，本身扇贝系比较清淡o既海鲜，D油盖晒D鲜味，而且睇落好油腻咁。粉丝虽然系平，由呢间餐厅落得好少，完全冇靠粉丝吸D蒜茸同油。唔掂!
酥炸芝士虾球，o岩o岩炸好就上碟，好松脆，因为太热，所以要小心D食。但我食唔到虾味，似系雪藏虾球果种，都系一般啦!
招牌炒饭有蛋白、菜粒、蟹籽等，炒得唔错，D饭都炒得好干身，有D似轻量版o既杨州炒饭。
豉油皇炒面就好一般，见到张相得一半份量，因为我系同事起筷前唔记得左影相。当然系海鲜饭店都唔可以同粥舖o既炒面相比，净系可以话入到口，冇乜味。
整体系讲，烹调尚可接受，最紧要系够晒快有得食先至系最可取!
张贴
