影片
更多
2024-01-26
572 浏览
2024年1月10日 星期三今晚老婆带咗我去观塘嘅呢一间餐厅食饭，因为网上面见到有串烧及网烧放题，食足2.5小时平日都只不过系$248，5位或以上一齐去仲可以食足3.5小时添去到发现餐厅其实唔系好大，大约有十几张枱，但枱与枱之间有足够距离，坐落去都几舒服，而且每一张枱都有抽风机，所以着嘅衫完全唔会吸到油烟餐厅侧边有雪柜摆满咗饮品，可以自由取用，当中更有自家制菊花蜜、洛神花山楂茶同柠檬薏米水，正好可以用黎配合串烧食，令到冇咁容易热气，而且洛神花山楂茶酸酸甜甜几开胃另一边嘅冻柜就摆满左前菜、甜品同蔬菜，蔬菜方面瓜、茄子同菇都已经切好晒，方便拎嚟烧，而且金菇仲已经放咗喺锡纸兜里面，一拎出嚟就可以放喺个炉上面烧，十分方便至于前菜，有麻酱豆腐同麻香油扬等等，无谂过腐皮同麻酱都几夹，甜甜地几开胃，仲有芝麻香添点餐系用网上落单，够晒方便同准确，又有图片可以见到，当中食物分开左自转串烧、网烧同炸物，指示十分清晰，无论边一个种类都有好多食物可以选择，于是我哋每样都要少少落单几分钟之后，食物就已经送上，呢一碟全部都系自转串烧，因为食物已经插好晒一条条铁枝，只要放上个炉指定位置就可以自己转动，无论鱼蛋、芝士
今晚老婆带咗我去观塘嘅呢一间餐厅食饭，因为网上面见到有串烧及网烧放题，食足2.5小时平日都只不过系$248，5位或以上一齐去仲可以食足3.5小时添
去到发现餐厅其实唔系好大，大约有十几张枱，但枱与枱之间有足够距离，坐落去都几舒服，而且每一张枱都有抽风机，所以着嘅衫完全唔会吸到油烟
餐厅侧边有雪柜摆满咗饮品，可以自由取用，当中更有自家制菊花蜜、洛神花山楂茶同柠檬薏米水，正好可以用黎配合串烧食，令到冇咁容易热气，而且洛神花山楂茶酸酸甜甜几开胃
另一边嘅冻柜就摆满左前菜、甜品同蔬菜，蔬菜方面瓜、茄子同菇都已经切好晒，方便拎嚟烧，而且金菇仲已经放咗喺锡纸兜里面，一拎出嚟就可以放喺个炉上面烧，十分方便
至于前菜，有麻酱豆腐同麻香油扬等等，无谂过腐皮同麻酱都几夹，甜甜地几开胃，仲有芝麻香添
点餐系用网上落单，够晒方便同准确，又有图片可以见到，当中食物分开左自转串烧、网烧同炸物，指示十分清晰，无论边一个种类都有好多食物可以选择，于是我哋每样都要少少
落单几分钟之后，食物就已经送上，呢一碟全部都系自转串烧，因为食物已经插好晒一条条铁枝，只要放上个炉指定位置就可以自己转动，无论鱼蛋、芝士竹轮卷、肠类，甚至唔同嘅肉类都好新鲜，而且每一旧都唔算太大，方便烧熟嘅同时又方便进食
每一串串烧都自己转动，完全唔需要担心几时会烧焦变黑，只需要安心静待熟透嘅时候就食得，真系好方便，仲有可能唔系使用炭炉嘅关系，感觉唔系太大油烟，食落去好放心
啲肉比起平时要耐一啲时间先熟，咬落去都唔韧，牛肉粒几重牛肉味，芝士竹轮卷都几有惊喜，烧完之后里面嘅芝士会慢慢溶化开，有少少拉丝嘅效果
另外餐厅每一位客人都会送一份蒜蓉帆立贝，差唔多有成只手掌咁大，上面铺满蒜蓉，烧完之后仍然好大只，肉质几弹牙，每一啖都食到蒜蓉香味
我哋仲点咗鱼片头、豆卜同大虾，其中最惊喜嘅系豆卜，因为烧完之后咬落去真系脆卜卜，十分脆口，而且豆味几浓郁，而大虾烧完之后好容易就可以拆开虾壳，肉质弹牙，一啲都唔霉，最后我哋再encore要多咗几只
最后仲有清酒煮蚬可以点，酒味唔算太浓，所以唔钟意饮清酒嘅人都食得，而且蚬嘅份量都几多，我食落去每一只都食唔到有沙，证明都清洗得几干净
张贴
