鉄火堂 (登打士街) (已結業)

鉄火堂都系惩罚餐厅嘅其中一间。佢可以俾你任拣刺身配搭唔同嘅饭，包括香菇饭/姜味饭/或者寿司醋饭等等。刺身方面呢都叫做新鲜，不过冇一种好惊喜到我嘅感觉，另外叫咗象拔蚌刺身，本身期待佢成块厚切咁上，但餐厅将佢变成条状，口感即刻有分别。于我而言，我觉得个饭底仲吸引过刺身。当日叫咗姜味寿司饭，姜味都几重带有少少姜丝，而且个饭比常温冻少少，拿捏得相当唔错！一个刺身饭当然满足唔到我个肚仔啦，所以同朋友再叫多咗一个虎虾刺身沙津，虎虾好冰冻，仲淋上左酸酸地嘅酱汁（有啲似泰国风味），十分开胃！不过听闻午市套餐或者下午茶会比较抵食少少，等我有机会下次试吓先！