瘋狂小面 (佳德商業大廈)

营业中

休息中

夜晚约咗朋友系中环等，行咗阵街就决定去食啲嘢填下肚。发现附近有呢间川菜餐厅，可能因为系楼上铺，唔使排队就可以入座。餐厅装潢都几有中国川菜店嘅风格，我自己都几想坐卡位，可惜已经满晒。呢度嘅食物好似全部都系以套餐点选，见唔到餐牌有散叫小食嘅价钱。因为我好想再食冰粉，所以今次试A+B+C+D套餐。-疯狂牛肉面可以自选辣度同麻度，惊辣到傻嘅我决定两样都拣BB程度就算。不过呢度嘅BB程度又真系几轻微，下次可以拣返少辣同少麻试下。面条质感几软韧弹牙，牛肉质感颇腍，细细粒易入口。-疯狂肥肠面呢款系朋友叫，不过我无试，所以就唔多加评论啦。-棒棒鸡另外加钱试呢款棒棒鸡，份量比我想像中少。味道有啲似口水鸡，辣椒中嘅麻度比例较重，如果鸡件可以在切大块少少会更加好。-蒸蛋口感嫩滑，面层加入肉燥同葱碎，增加蒸蛋嘅味道层次同咸香。-成都老冰粉唔知系唔系落单无叫后上嘅关系，第一样上嘅𩠌竟然系呢碗冰粉。里面有浸泡过嘅米粒、提子干、冰粉等等嘅馅料，入口几清甜凉爽，微酸。