The Petit Café (已結業)

喺大型商场想揾唔系集团经营嘅咖啡店应该冇咩可能😂 呢间cafe虽然都系大集团旗下，不过唔紧要，佢嘅食物同咖啡质素一啲都唔差呢间有三文治，pastry同沙律提供。小编去过两三次都系食佢个沙律，因为三文治同pastry喺pp同地铁站唔少舖都有，同埋啲沙律都已经系pack好哂咁卖，所以反而系为左佢个自选沙律而黎。沙律有两个size拣，大嘅$80左右，可以拣5款：细嘅平二十蚊左右，但就细好多同少啲选择。小编系同朋友share嘅，所以就叫左个大嘅，其实都食到好饱😂 佢有8-10款沙律简，唔怕拣唔啱口味。小编最钟意个pesto长通粉，味道唔浓唔淡，啱啱好 其次就系西兰花，粒粒都好大😂 其他都好食，未食过不妨试下。佢堂食同外卖都系比纸盒，环保人士可以自备食物盒呀小编净系饮过espresso，都ok嘅，唔可以expect系独立咖啡店嘅味道。呢度平日lunch time会非常多人，好难揾位，所以同朋友一齐最好就早啲去，或者外卖去出面平台坐，同埋堂食都会比较嘈同好密集，未必坐得舒服，非繁忙时间坐喺度食野同做野都系唔错嘅选择。