影片
2014-04-27
1303 浏览
早前o系网站见到尖沙咀 iSQUARE 有间薄饼店团购,当时见 OpenRice 冇资料,可能系新开张关系啦,佢地上星期正式开张,前晚我同朋友就黎呢间薄饼店晚餐由于商场设计关系,大部份餐厅都o系 iSQUARE 较高楼层,商场内升降机唔太足够,要等好耐时间上落,使用扶手电梯又好似要行晒大半个商场咁样,若果赶时间真系唔方便呢间餐厅位于7楼最入位置,我地大约6:45pm 去到,或者新开张关系,只得几张枱客人,原来薄饼店系有o的似快餐形式,自己揾位,自已排队买野食及俾钱,自己拎餐具等,所以唔洗收加一服务费我地先排队落单,呢间薄饼店卖点系自选独一无二o既薄饼,因为馅料由客人自己决定,一个薄饼系13吋,唔会分细批或者大批,亦都冇薄批或者厚批选择,若果落三款材料系$108,选择要六款系$148,另外买一个薄饼送汽水,仲可以无限添饮最初我地谂住每人要一个三款馅料薄饼,后来选择要二人晚市套餐$248,包一个薄饼,两份餐汤,一份沙律或薯条及两杯汽水,茶或咖啡当晚可供选择o既馅料大约有25款,对于选择有困难o既人系会觉得花多眼乱,店员话意大利传统薄饼o既饼底只得一块皮,唔包蕃茄酱及芝士,若果客人o既薄饼要
由于商场设计关系,大部份餐厅都o系 iSQUARE 较高楼层,商场内升降机唔太足够,要等好耐时间上落,使用扶手电梯又好似要行晒大半个商场咁样,若果赶时间真系唔方便
呢间餐厅位于7楼最入位置,我地大约6:45pm 去到,或者新开张关系,只得几张枱客人,原来薄饼店系有o的似快餐形式,自己揾位,自已排队买野食及俾钱,自己拎餐具等,所以唔洗收加一服务费
我地先排队落单,呢间薄饼店卖点系自选独一无二o既薄饼,因为馅料由客人自己决定,一个薄饼系13吋,唔会分细批或者大批,亦都冇薄批或者厚批选择,若果落三款材料系$108,选择要六款系$148,另外买一个薄饼送汽水,仲可以无限添饮最初我地谂住每人要一个三款馅料薄饼,后来选择要二人晚市套餐$248,包一个薄饼,两份餐汤,一份沙律或薯条及两杯汽水,茶或咖啡
当晚可供选择o既馅料大约有25款,对于选择有困难o既人系会觉得花多眼乱,店员话意大利传统薄饼o既饼底只得一块皮,唔包蕃茄酱及芝士,若果客人o既薄饼要蕃茄酱及芝士就当系选左两款馅料
最初我地以为套餐个薄饼只可以选三款馅料,就要左辣o个款蕃茄酱,蓝芝士及莎乐美肠,原来二人套餐薄饼系可以选六款馅料,咁我就要埋橄榄,蘑菇及火箭菜
店员拎块饼皮出黎,先淋上辣蕃茄酱,再加蓝芝士及其他配料,之后就放个薄饼入焗炉,呢个焗炉有条输送带,客人可以睇住薄饼由一边放入个焗炉,烘过薄饼再由另一边出返黎
等候薄饼烘焗期间,店员俾左我一块印左号码o既木板,薄饼出炉会叫号码,我觉得呢o的都系玩得意新奇野,块木板号码牌都唔轻,其实薄饼店可以就咁印埋落单号码o系收据上
除左呢个薄饼馅料要选择之外,我地要选择食沙律抑或薯条,问过店员薯条系粗薯条,至于沙律可以选择放o系雪柜o既一盒沙律,三款沙律价钱由$42-$55,我地选左要一盒沙律饮品方面,朋友本来想另外俾钱买啤酒饮,见到餐牌有意大利生啤 Peroni $58,但系餐厅仲未申请到酒牌,所以仲未卖得啤酒,咁我地两个都系要汽水,因为可以无限任饮
二人晚市套餐本身系$248,今次团购优惠系可以用$50买一张价值$100 coupon,薄饼店冇限大家用几多张 coupon,之前我o系网站买左3张 coupon,若果用2张 $100 coupon 就要补$48,咁不如买多盒沙律用多张 coupon,咁样买法更加化算
等左大约5分钟,薄饼就新鲜出炉,我地要将野食及饮品拎返张枱
之后去拎餐具,纸巾及调味料
然后就系好玩o既时间,自己斟汽水,若果去便利店买纸杯装汽水,都系要自己到汽水机自己斟,呢间薄饼店唔同地方系汽水机旁有个放左冰粒o既箱,大家可按个人喜好,拎住个铲去铲o的冰粒放落纸杯
餐汤系杂菜汤,有蕃茄,西芹,洋葱等材料,最特别系落左红腰豆,味道适中,唔会太浓或者太淡,稍嫌比较细杯,因为只系得半杯普通热饮杯份量
薄饼系13吋阔,一般薄饼系切开四块或者八块,但系佢地系切开六块,由于有部特别机器切薄饼,所以六块薄饼切出黎都差不多大细,唔会有o的大块有o的细块
批边烘得几脆,唔会烘㶶,辣蕃茄酱出奇地好,可以提升食欲,蓝芝士几浓味,亦都为薄饼带黎咸味
朋友问我个薄饼选左乜野馅料,数到得五款,印象中仲有火箭菜,但我地见唔到食紧o既薄饼有呢款馅料,唔通o的火箭菜焗完后整碎左? 抑或店员冇加到落去呢? 火箭菜应该系苦苦地有o的㶶味,记得薄饼放入焗炉前,店员系放左o的火箭菜o系薄饼上面,究竟有冇落火箭菜真系一个谜!朋友好钟意落橄榄油,落左唔少o系薄饼及沙律上,橄榄油成本较贵,呢间薄饼店都俾客人任落,值得一赞
厨师沙律配一杯千岛酱汁,内有两款芝士,车厘茄,多款生菜,紫椰菜,黄椒丝,火腿丝,甘笋丝等材料,都几新鲜
至于凯撒鸡沙律系配一杯凯撒沙律酱,内有多款芝士,焗面包粒,罗马生菜,烤鸡肉等食材,味道清新
汽水真正无限任饮,前后我去汽水机斟左三次汽水,店员都唔会介意客人饮咁多汽水
餐厅环境都算轻松舒适,落地大玻璃,若果日间会有阳光o系窗外射入黎
店员态度尚算有礼,对于客人查询食物款式及价钱都耐心解答,由于俾客人自己拣薄饼馅料几花时间处理,店员都会向下一位客人表示歉意呢间薄饼店若果日后能够卖埋意粉,相信会更加好,令客人有更多选择
今次呢餐系好抵食,用三张 coupon 唔洗补钱就有得食有得玩,平均每人只系$75
客人可以要一个度身订造o既薄饼,又可以透过开放式厨房睇到薄饼制作过程,本身个二人餐都够食,其实系可以要少一盒沙律,日后有团购都会再帮衬!
张贴
