灜鐵板燒

营业中

休息中

尖沙咀闹市入边又有新发现🙂晚上嚟到呢间铁板烧已经坐满晒大半嘅座位，呢度座位阔落坐得几舒服！黑鱼子鹅肝蒸蛋上面有粒粒黑鱼子好奢华，佢哋嘅器皿系鸡蛋形状嘅陶瓷，再放喺手上面，非常之得意！鹅肝真系好香，香味渗晒落去蒸蛋入面👍🏻大海虎虾师傅处理大虾嘅手法好劲，三两下手势就将成个虾肉拎咗出嚟😺系视觉享受！虎虾好大只啲肉爽口啖啖肉！火炙咸蛋黄酱鳕鱼佢哋嘅火焰蛋黄酱真系好正😆本身见到师傅加咗啲特制嘅酱汁，谂咗好耐到底系咩！师傅开估系蛋黄酱嘅时候真系好兴奋，蛋黄酱咸咸香香，更能够带出鱼香，说鱼皮分开咗，成块都煎到脆卜卜，好好食！佐贺牛佐贺牛一向都好食，师傅用牛包住蒜粒同埋葱花，令成个味道提升😺酱汁方面更加特别，有沙律酱+Wasaibi+醋，几样嘢混合之后味道好新奇！炒饭 炒饭底粒粒分明，份量同样系好大👍🏻入面仲有少少蛋碎，高菜渍、樱花虾、葱等等。樱花虾嘅量好多，所以食嘅时候更加有鲜味！