尚上下夏 - 養生雞煲火鍋 (已結業)

小编就最钟意食鸡煲， 而小编最近新宠就莫过于尖沙咀山林道嘅「尚上下夏」， 鸡煲嘅特色之处系可以选择鸡嘅不同部位， 全只或半只，鸡脾肉或鸡胸肉，或两沟都有！😏 钟意食嫩滑鸡肉嘅食客梗系拣净鸡脾肉啦！ 钟意啖啖肉嘅就要拣鸡胸肉啦！😂 餐厅装潢以怀旧香港🇭🇰为主题， 简约嘅装修，大排档嘅台櫈，gas炉嘅火锅， 就最能体现香港大排档风味啦！😆 钟意食嫩滑鸡肉嘅小编梗系拣净鸡脾（半只）（$159）啦， 一睇就知道鸡煲有几足料！ 加入大量洋葱和芫茜，香气四溢～ 辣度要左小辣， 但已经够晒麻，够晒香， 而且鸡煲越食越辣～🌶 鸡煲比较干身， 鸡件嫩滑入味，麻辣惹味！😋 猪皮吸晒鸡煲嘅酱汁，正！ 食完鸡煲之后， 就可以选择不同汤底打边炉啦！ 美国🇺🇸桶蚝（$169） 一份有四、五只「巨型」桶蚝， 每只都有一只手掌之大✋🏻～👀 只看贝柱有成粒波子咁大，便知道桶蚝绝对唔惹小😏！ 桶蚝好新鲜，洗得干净，没有多余嘅腥味， 肉质肥美鲜味，值得一试！😋 自家制即炸响铃（$59） 一份响铃有7-8条，份量好慷慨呢！ 而且全部即叫即炸，香脆可口。