泰源獅城風味

营业中

休息中

同同事知道公司附近又开咗间新嘅餐厅，一向钟意试新嘢嘅我哋今日晏昼又去试吓先。「泰源」依个名第一眼睇落去我哋仲以为系食泰国菜，细心一望原来佢系主打任饮排骨汤同埋麻辣干锅。我拣左自选麻辣干锅（微辣：大肠，猪肚，土豆，花腩，豆卜）跟公仔面比想像中唔会好油腻，微辣呢对我嚟讲就啱啱好喇如果钟意食辣嘅你可以选少辣，猪肚爽，大肠肥，土豆同豆卜正，花腩反而比较靭口；跟锅有得拣米线饭公仔面乌冬，唔知点解觉得四样都唔系好夹，但系最后我拣咗公仔面，唔系好索到汁。另外同事叫嘅排骨汤饭，试饮咗几啖，排骨汤嘅味道有啲似胡椒猪肉汤，佢可以无张添加，但老实讲又唔会令你想encore多碗咁。至于环境服务呢都系好嘅，座位系舒服嘅。