巴打麻辣燙 (已結業)

星期日下昼去鸡地揾嘢食, 入咗想试好耐嘅”巴打”！完全自选，𩠌，粉面都任拣，𩠌8蚊，粉面12蚊！第一次食嗌得较保守，小辣算，6𩠌一粉，外卖分汤加2蚊，total 62！粉面黎讲都算贵，不过胜在新鲜！味道方面，有d不如预期，小辣唔辣，相信大部分人都接受到，但汤唔够浓，辣都只系浮系面，𩠌无吸到汤汁味，应该系清水煮or猪骨汤煮？食落系比较健康嘅麻辣嘢，想食辣但又唔太中意太重口味嘅朋友应该会中意！但对小编黎讲，麻辣都唔太够，差咗小小！抵赞嘅系大大件豆卜串，好食又抵食，如果可以吸埋d汤汁更加正！总括黎讲，可以一试，粉面多选择，一定揾到自己中意果只！但咁嘅价位，应该可以再好d！ Btw, 会入去嘅一个主要原因系因为门口banner写下午茶，但原来无睇清楚，佢有写星期六日公众假期系无！suggest 店家星期六日公众假期就收番埋，防止误会啦！