Nomad Burger (海福商場) (已結業)

平时见好多人排队，今日12点开门之前经过，等到12点开门第一个冲入去买。入到去收银机，开始拣食物1. 选择面包种类2. 选择要牛肉、虾、猪定鱼等3. 选择蕃茄、芝士、青瓜、烟肉、洋葱等4.选择酱汁, 照烧汁、他他酱、芥茉蛋黄酱、松露酱等5. 选择跟餐，薯条可、鸡翼、可乐等当然以上每项都要收钱我order 咗牛油汉堡安格斯牛肉烟肉、芝士松露蛋黄酱三重松露薯条加忌廉汽水$64 汉堡包烘过，安格斯牛肉冇咩特别，但烟肉就好香脆，加上松露蛋黄酱，好惹味。三重松露薯条，刚刚炸好，热辣辣，好脆。可以点松露酱。其实唔加松露酱都好好食。总结：餐厅只得外卖没有堂食。自选汉堡可以选择真系几好。因为系即叫即整，所以要等，出品系热辣辣，比起麦当劳好食好多，但价钱比较贵。服务方面就麻麻哋，第一次帮衬唔知道程序，行入去收银姐姐到想order时，先知道原来要自己填纸比佢入机，收银姐姐虽然冇黑面冇闹人，但就一副唔休做嘅态度。 将来有机会经过都会再试，但如果人多要排队就唔会帮衬啰，因为铺面好细，人多时要系门口排队买飞，买完飞仲要企喺门口等，天气热时真系好容易中暑。