ZERO (已結業)

有次上朗豪坊顶楼行Lego经过见到依度新开张，有得自选Pizza咁得意，bookmark左一排，今晚黎度明显多左好多人餐厅灯光较暗，装修以工业风、深色为主调。近门口有高台饮下cocktail，亦有大玻璃可以望入厨房睇厨师们即整pizza台面已经有自选pizza order纸，指示清晰：1. $98包一个10.5吋pizza、一款sauce、一款cheese同一款herbs/spice 2. 加任何你想要既toppings，有三大类分别系肉、海鲜、蔬菜，每款价钱由$15-$22不等。有啲选择都几特别，例如香茅辣椒酱、喇沙酱、西班牙甜椒杏仁酱、京葱、烤鸭、蒲烧鳗鱼、甚至有椰子落单时店员话当日有优惠，拣三款海鲜/肉类就送两款蔬菜 结果我地既combination系西班牙甜椒杏仁酱、水牛芝士、意大利芫荽(Parsley)、香辣牛肩肉、烟三文鱼、带子、artichoke同黑橄榄 $190。Pizza系薄底，边边焗至脆口、中间仍然烟韧，但麦香欠逢。西班牙甜椒杏仁酱唔系好食到杏仁味，味道比啲toppings盖过晒，但几有新鲜感，平时食pizza通常得tomato sauce。牛肩肉腌得几好食，推介！