鼎皇臭臭鍋 (已結業)

行开尖沙咀见到有间臭臭锅新开张，又几抵咁，就入左去一试～入到去环境都唔错，唔会话太迫，一人一锅至紧要枱够大！餐牌都几多选择，除左招牌臭臭锅之外，仲有啲药膳锅或者麻辣锅！野饮小食都唔少选择架，野饮方面听讲系请咗个台湾员工返黎冲添～我地叫左个蕃茄锅同麻辣锅～蕃茄锅入面都几多料 多菜得黎又有金菇 鱼丸 最特别既系有鹌鹑蛋！汤底都几浓郁 啲支竹吸哂味都几正！另外，佢仲有个福袋，入面好似流心芝士咁！都几正！朋友就叫左个麻辣锅！叫左小辣，唔食辣既人都可以试下，都唔太辣！配料有黑米糕，都几特别，咬落口几烟韧！大家黎到一定要加钱饮珍珠奶茶！冲得好好饮！不过我谂少甜就得！