時代冰室 (已結業)

太子时代冰室，都真系几近太子嘅自从一九年之后，毒L唔再帮衬吉野家打边炉，冇得帮衬大家乐打边炉一人一锅，少咗好多机会打边炉，近日发现烧山嘅时代冰室推出咗秋冬系列，有啲一人锅同一人边炉。虽然知道烧山赚到盘满钵满，净系patreon一个月都多个好多人做成年，但都去试吓。环境及设备: 首先讲地点，technically过咗界限街都系深水埗㗎啦，但佢由太子站E出口行过去，都系5分钟内，咁都好近。装修都系一般茶餐厅咁，有啲旧电影海报。厕所喺后行，要拎锁匙，环境都……总之冇咩事就唔好去啦。服务：QR code自助点餐，介面都清晰，上菜都快，楼面收银都好有礼貌。食物: 两个人叫咗一个台式特盛臭臭锅BB辣特浓沙嗲汤，同一个珍宝海鲜锅芫茜皮蛋汤，汤底比较重口味，钟意食浓味食辣嘅都会觉得OK，食材方面，就普普通通，对得住个价钱台式特盛臭臭锅: 索到汁嘅都好食，炸支竹，豆卜等。大肠都好食，不过太薄切珍宝海鲜锅: 虾滑，油炸鬼都好食，其他就普普通通啦