樂天皇朝 (已結業)

《乐天皇朝》呢个品牌做得唔错，既有典雅装潢及舒适环境，又有相当唔错嘅食物品质，面最紧要就系有极强性价比，平均每道菜只约八九十元，难怪能吸引任何阶层嘅食客。门口装有半身玻璃，可近距离睇到师傅整小笼包嘅过程。招牌原味小笼包 (6pcs): 虽然有多种不同口味，但我都系钟意食传统原味。皮薄唔易穿，内有丰富肉汁，都算几鲜味。扬州糟溜滑鱼片: 酱汁以米酒煮成，带微微酒香，而嫩滑鱼片亦带淡酒香，味道鲜甜，我与友人都十分喜欢。成都口水鸡: 记得乐天嘅醉鸡都几好食，不过既然食过，都想试下其他。口水鸡肉质算系几滑，而鸡胸都唔会干和'鞋'口，麻辣嘅辣度属于小辣与中辣之间，几有麻香。柠檬芦荟桂花蜜: 粒粒爽口芦荟配加入柠檬、桂花及蜜糖嘅糖水，冰爽香甜，几好食。