餃掂手工餃子雲吞專門店

下午同朋友饮完两杯，晚上就想食返啲暖胃既野见到有我多次回头既饺子分店，当然要拉埋朋友一齐食啦～比较少去呢间分店，估唔到店内不大，但坐落都唔迫狭，店员仲好有礼貌添！！！因为最近好热气所以唔敢食煎饺，我要咗一份至尊松茸灼饺，朋友就要左元贝汤饺双拼～我哋仲分别叫咗鸡翼同黄金皮蛋share食两款小食都各有千秋～前者微辣开胃，后者带甜肉香朋友嘅汤饺要左元贝饺拼粟米鲜肉饺朋友每款分咗一只畀我试味道都唔差，仲每只都大粒足料！！但系我最钟意嘅都系呢度嘅灼饺～特别系呢款至尊松茸饺，配上呢两款特制酱料，松茸嘅香味立即出囇黎～最后仲可以饮埋佢既葛汤，正！