影片
更多
2019-05-02
47 浏览
「崟」无疑系我食过最好食嘅铁板烧，没有之一。今日同女友去元朗一日游，夜晚book左系高埔村既崟，喺锦上路地铁站出面搭巴士，大约10分钟就到达。一睇门面已经感觉阔气，系门前隐约见到师傅嘅身影，已经急不及待会一会师傅。入面环境唔算大，可容纳十几人左右，但每个位都非常阔落，尤其系坐喺师傅面前既位子。除咗可以欣赏师傅精湛嘅手艺，仲可以同师傅互动，向他讨教食材。最重要系师傅非常风趣。坐低冇几耐就会送上前菜同田螺一份。前菜唔系一般嘅沙律菜，而系通常系火锅食嘅冰菜。冻食特别爽脆清甜，而且本身冰菜相当百搭，加上蕃茄、醋一样好味。另外螺用酒煮，肉质更鲜甜。难得山长水远嚟到，当然要食最贵嘅套餐。最贵嘅套餐系$1980/2位，而且有两款，分别系特上活龙虾铁板烧同特上活鲍鱼铁板烧。我个人倾向龙虾，所以拣左前者。套餐包括龙虾、帆立贝、白甘鲷、响螺、和牛、炒饭、汤、炒野菜同甜品。首先上菜嘅系白甘鲷配黑松露枝豆汁。估唔到第一道菜已经咁惊艳。第一次鱼连鱼鳞一齐食。鱼鳞炸到脆卜卜，加上白甘鲷鱼肉非常嫩滑。本身味道较清，但沾上枝豆汁就非常滋味。听师傅一般青椒都唔辣，100条青椒入面大约得2条辣，好彩我𠮶条唔辣。第二道菜系
今日同女友去元朗一日游，夜晚book左系高埔村既崟，喺锦上路地铁站出面搭巴士，大约10分钟就到达。一睇门面已经感觉阔气，系门前隐约见到师傅嘅身影，已经急不及待会一会师傅。
入面环境唔算大，可容纳十几人左右，但每个位都非常阔落，尤其系坐喺师傅面前既位子。除咗可以欣赏师傅精湛嘅手艺，仲可以同师傅互动，向他讨教食材。最重要系师傅非常风趣。
坐低冇几耐就会送上前菜同田螺一份。前菜唔系一般嘅沙律菜，而系通常系火锅食嘅冰菜。冻食特别爽脆清甜，而且本身冰菜相当百搭，加上蕃茄、醋一样好味。另外螺用酒煮，肉质更鲜甜。
难得山长水远嚟到，当然要食最贵嘅套餐。最贵嘅套餐系$1980/2位，而且有两款，分别系特上活龙虾铁板烧同特上活鲍鱼铁板烧。我个人倾向龙虾，所以拣左前者。套餐包括龙虾、帆立贝、白甘鲷、响螺、和牛、炒饭、汤、炒野菜同甜品。
首先上菜嘅系白甘鲷配黑松露枝豆汁。估唔到第一道菜已经咁惊艳。第一次鱼连鱼鳞一齐食。鱼鳞炸到脆卜卜，加上白甘鲷鱼肉非常嫩滑。本身味道较清，但沾上枝豆汁就非常滋味。听师傅一般青椒都唔辣，100条青椒入面大约得2条辣，好彩我𠮶条唔辣。
第二道菜系北海道帆立贝。帆立贝两面煎得焦香，入面湿润juicy。三文鱼子特别腌制过，所以完全唔腥。另外下面紫菜汤加添帆立贝嘅鲜味，更加清甜。
第三道菜系响螺，本身够味道， 非常爽口。
终于到龙虾啦！喺制作过程中，师傅首先将龙虾切件去烧，再落牛油，所以上菜时已经剥晒壳。龙虾肉质结实弹牙，酱汁系用海胆同蟹膏混成，味道非常配合，而且更显奢华。
焦糖多士算系套餐之中最普通不过嘅食物，但味道卖相依然出色。师傅喺制作过程中会洒上大量嘅糖，但其实面包只会吸收表面既糖，所以味道唔会过甜，而且外表金黄香脆。
食A5和牛之前，师傅会先送青柠啫喱清一清口腔，而我亦屏息着，等待和牛嘅来临。
每间铁板烧都有属于自己餐厅嘅面包。面包上面就系来自鹿儿岛嘅A5和牛！放喺面包上面可以令和牛冇咁油腻。外皮稍带脆口，入口既溶，一咬肉汁喺口腔爆发。但愿我可以食多几件。
逐渐进入倒数阶段令人非常唔舍得。炒饭用上樱花虾、蛋、葱、和牛碎，香气十足，而且粒粒分明。
炒野菜以芽菜为主。自己本身唔太钟意食芽菜。但今餐实在太深刻。为向师傅表示尊重，我决定食晒啲芽菜。食完不禁问自己点解芽菜都咁好味。
最后仲有鲷鱼汤同雪糕，鲷鱼汤胶质特别丰富，鱼味鲜浓。雪糕方面我同女友分别拣咗绿茶同柚子味。
从前菜、海鲜、和牛、炒饭、炒野菜到雪糕，水准仍然非常高。更难得嘅系可以同师傅交流，真正食得开心。
张贴
