上海婆婆336 (已結業)

同妈妈撑枱脚要食返啲正气嘢，沪菜就啱哂佢口味喇。今晚嚟个proper dinner，叫哂头盘、主菜、面食、甜品！四小拼$98，有镇江肴肉、烤夫、黑醋排骨同脆鳝。平常出面食好多高级沪菜餐厅整嘅脆鳝好多都系又幼身又硬，今次呢个系水准之上，鳝肉本身够粗，炸得松脆，是个开胃小食。如黑醋排骨热荤的话效果应会更好。肴肉和烤夫味道一般。烟熏小黄鱼$43，很有特色，鱼肉保持鲜嫩，鱼皮不干仍富弹性，入口有香浓嘅烟熏味，赞！嫩鸡煨面$52，是妈妈常点嘅菜式，味道有保证，汤底不咸不腻，满满一碗全都是小棠菜和鸡肉颗粒。自家制豆浆$15，有很香黄豆味，不算过甜。宫廷芝麻饼$38，即炸金黄色嘅外皮好吸引，咬落松软，芝麻香同炒过嘅肉碎馅料味道很夹，外皮厚度和馅料份量嘅比例恰当，推荐这菜色最后以姜茶汤丸$32作结，估唔到姜茶劲味十足，芝麻汤丸煮得够淋够烟韧食过上海婆婆多次，都仍然觉得厨房弄嘅热荤菜式比冷盘好，或许是除了大路嘅醉鸡同鸡丝粉皮外，较少食客点其他冷盘吧。主力推介包点、面食和主菜，价钱相宜，味道又有质素保证！