味皇小廚餐廳 (已結業)

加班，今次叫我至爱咖哩牛腩长通粉配罗宋汤，热菜蜜（$45）今次比较快送到，个长通粉来到时系热到辣手！面头嘅芝士半溶，捞埋又浓又香咖哩汁，咖哩不辣，里面有牛腩，牛腩炆得入味，唔嚡，有几旧连埋筋膜，仲有薯仔，同样炆得入味！同长通粉一齐食，好满足！（呢个系晚餐餐单内每晚必有）唯一唔好系好油，因为长通粉唔吸油，所以食完会见到盘底全部都系油罗宋汤一向有保证，够热，份量亦无上次咁少，内有大量蔬菜，又香又浓！热菜蜜，因为正常嘅太甜，通常我会加热水一开二，自制少甜，味道正常！