新昌明食店

营业中

休息中

其实已经越来越少嚟跑马地食饭，一来泊车难揾位，二来冇乜新餐厅，唯一吸引我嘅就系呢度嘅上海排骨菜饭。新昌明在跑马地算系中流砥柱嘅实力派，当其他餐厅饭店都冷冷清清嘅时候，新昌明里面总系热闹啲，始终呢度价钱大众化，而食物质素又唔会令人失望。今晚与朋友嚟到，我食我至爱嘅排骨菜饭，朋友就食猪手饭(加钱转菜饭)。朋友话猪手饭个南乳汁系灵魂，猪手亦啖啖肉；我嘅排骨菜饭一贯美味，排骨味道甜甜哋又烟un，唔似一啲餐厅煮到油油腻腻，系我一百分之选！我哋嘅晚餐包埋饮品，又有电视睇，每人$62，绝对系相宜美味嘅一餐。