泰Grill (恆隆銀行大廈) (已搬遷) 新店位置

耐唔耐有时都想食吓串烧，谂起之前食过当中，印象深刻嘅，系喺尖沙咀food court里面嘅一间泰式小店，念念不忘嘅系佢哋嘅烧鱿鱼须，啖啖肉又香口，决定再嚟试过。今次再嚟，见到唔少新款，唔错，不继更新餐牌内容畀客人新鲜感，赞👍。📌鸡髀菇鸡髀菇系新出，有两串，每串有三大块厚切，份量足，除咗烧得香，酱汁系另一吸引，唔系太食得出系咩酱，但总之就系同只菇味道好夹，小编非常喜欢，满分💯。📌鸡泡鱼干鸡泡鱼干又系新出，烤得干身香口，食落烟韧唔黏牙，正，满分💯。📌白鳝白鳝都系新，鳝烤过冇咗腥味，而鳝皮烤到香脆，坚脆，加上好味出色嘅酱汁令佢更正，唯一失望系只有一件，如果打孖上就更开心，满分💯。📌串烧combo串烧点少得肉串，之前系分开叫，今次可以叫一碟有哂猪牛鸡，非常照顾客人需要，赞👍。佢哋啲串烧肉质特别嫩，猪肉串鸡肉串都系，而酱汁又特别出色，牛串烧就有牛肉干的味道，但有靓牛扒嘅香嫩肉质，将所有好嘢集于一身，究竟厨师点做到㗎，满分💯。📌汁烧鱿鱼须这里嘅皇牌，上次食过，今次都要再食，原只上味道一样出色冇跌watt，满分💯💯。