阿來泰式地道風味 (已結業)

长沙湾新开呢间泰国菜馆, 每次经过门口都有一大堆人在等候, 今日终于有机会来食过晚餐， 餐厅空间宽敞, 环境好光猛, 菜色选择亦都有好多, 晚上七点几已经座无虚席, 好夸张!黄咖哩牛腩煲$78, 好香咖哩味，咖哩汁好浓郁，用嚟捞饭好惹味，虽然系黄咖哩，但系唔会好辣，仲有少少甜甜地， 牛腩都好大件，配合埋薯仔、青椒等其他香料，好醒胃!炸虾饼$68, 见到好多枱食客都有叫，所以我哋都叫一客来试试， 分量都唔少，两个人食啱啱好，虾饼用料好足够，咬落好扎实，好弹牙，外皮炸得好香脆，其实食完个炸虾饼已经感觉好饱肚，不过真系好好食!泰式蒜蓉烧虎虾$98, 虽然份量只有两只, 不过只虾好大只， 摆上枱都好香, 烧得好靓, 完全 冇烧焦嘅情况， 食落啖啖肉， 好痛快，肉质又弹牙，而且鲜甜，正!下次来可以再试吓其他菜式！