The Luxe Seafood Bar & Resto (已結業)

由于突然好想食生蚝，所以今晚我们去咗旺角朗豪坊嘅「The Luxe Seafood Bar & Resto」食以生蚝为主题嘅自助晚餐！一坐低第一件事，我们就即刻去咗攞我们至爱嘅生蚝！生蚝相当肥美肉厚，而且非常新鲜，味道超鲜甜！我们差唔多每人食咗十几只，真系超正呀！除咗生蚝以外仲有刺身三文鱼同甜虾，不过我们只系食到甜虾，因为三文鱼只系出咗一次，一出就畀人攞极速咁攞晒！其他嘅海鲜有冻虾、翡翠螺同青口！冻虾嘅肉质好鲜甜弹牙！翡翠螺嘅肉质好爽甜弹牙！罗宋汤都几足料，味道亦几浓郁！喇沙嘅汤底味道好香浓，米粉吸收晒汤汁嘅味道，都几惹味！其他食物款式种类唔算太多，但味道都算不过不失！