太平館餐廳

营业中

休息中

老牌餐厅喺香港已买少见少，有多间分店嘅太平馆餐厅仍能屹立不倒，大概只有一个理由就系自己物业！做得老牌，食物制法或风味都应会保留传统，至于价钱相对一样有番咁上下，所以食大平馆下午茶，最适合精打细算嘅我⋯⋯哈哈！太平馆下午茶餐选择一啲都唔少，无论招牌瑞士汁系列、其他焗饭、汤米面或甜品类都有，老牌餐厅来讲，价钱相当大众化。今日三个茶餐分别⋯⋯太平馆瑞士汁炒牛河：太平馆招牌瑞士汁一定无得输，汁香味又唔会过甜，整个炒河一啲都唔肥腻，超好食！焗猪扒饭：呢个系朋友必食之选，佢话食到一种旧式餐厅焗猪扒饭嘅感觉。即系点？！我都不大了解⋯⋯哈哈！葡汁焗三宝饭(虾、牛脷、鸡)：非常抵食，三款主菜嘅葡汁焗，葡汁唔似一般的浓葡汁，配上白饭一碟，好味！当然，餐厅任何时段都会附上主餐牌，种类和价钱同样多与高。所以，太平馆茶餐始终系我首选！