百份百餐廳 (大興商場)

营业中

休息中

今日同老公嚟咗哩度叹下午茶，我叫咗贡丸麻酸辣汤米线配冰柠茶，老公就叫咗霸王鸡饭配足料碗仔翅配冻斋啡。霸王鸡饭唔使讲，一直都系我同老公嘅至爱，佢个甜豉油香葱真系无得弹！鸡肉即使系鸡胸位都唔会榎歰歰，鸡皮弹牙，饭软硬度适中。碗仔翅都好食，坚系足料，加咗麻油同红醋真系画龙点睛反而今日嘅米线就差少少，米线其实煮得刚刚好，贡丸都香口，但成碗米线嘅精髓——汤底，就唔够味，辣味唔够香浓，而豆卜就好硬唔入味，以致整体感觉麻麻。百份百嘅柠檬茶一向新鲜，柠檬连皮搅碎，唔使自己笃柠檬。老公话杯斋啡麻麻哋，太甜。