鳳城酒家 (已結業)

朋友生日话想食呢度嘅莲蓉西米焗布甸, 所以再一次o黎呢度怀旧嘅酒家. 凤城炸粉果 - 炸粉果我相信呢度都系数一数二好味道既, 即炸虾粉果, 跟上汤唔怕会太热气, 正! 乳猪拼生肠 - 呢个sell 系蔡澜介绍㖞! d 乳猪真系脆同热, 又唔太肥都唔错. 生肠多数食潮州嘢先食, 不过都唔差, 可惜肥咗d. 锅贴虾 - 虾下面加多士, 不过个多士比较油, 错咗dd. 冬瓜茸羹 - 以为d 冬瓜肉真系磨茸嘅添, 原来只系冬瓜丝, 味道ok啦! 八珍豆腐 - 一个素嘅豆腐, 有芽菜, 云耳, 白果...等等. 都唔错嘅𩠌. 炸子鸡 - 只鸡中间见到d 血, 好似唔系好熟咁..... 虾酱鲜鱿炒通菜 - 虾酱味恰到好处, 鲜鱿份量多, 不过d 水通菜就一般. 咕噜肉 - 大大件嘅肉, 不过肥咗d, 感觉有d 漏. 大良炒牛乳 - 感觉似赛螃蟹, 牛乳味浓, 送饭或者粥会比较好, 如果唔系, 感觉会咸咗d. 莲蓉西米焗布甸 - 又系已经少地方会做嘅一个甜品, 面层焗到有少少焦黑, 白莲蓉唔太甜, 好味!