雞翼山 (新都會廣場) (已結業)

去新都会，最钟意饮天仁茗茶，顺路去埋隔离舖鸡翼山食鸡翼。食完炸鸡翼再叹番杯冻饮，正！噉啱见到鸡翼山老板，佢话迟啲会转口味，心大心细谂噉食咩味好呢，会唔会之后冇得再试架。。。等我拣仲未试嘅味道先，花酱麻香同埋柚子。要食柚子先，因为避免麻酱抢晒啲味。柚子个味好似韩国柚子茶，柚子味好香，仲加左啲糖喺上面，甜甜的好开胃。但相比上次食玫瑰蜜糖味，都系钟意蜜糖多啲，加埋淡淡的玫瑰香，果然系招牌好味。另外呢个花酱麻香，似担担面个麻酱，如果冇咁咸同埋辣味再多啲就正喇，突然好想加个捞面添😂。佢加$18有冻饮，有橙茶同水蜜桃茶，下次考虑下喺度买埋先。