影片
更多
2021-11-03
1322 浏览
秋风起朋友想打边炉，但可惜冇book到枱，尖沙咀附近啲火锅店都已经full booking。经过见到8锅臭臭锅又唔算特别多人，所以就决定去治一治个边炉瘾6点9到开始等位，等得到唔算太耐，大概两三个字就可以入到去我哋叫咗台式麻辣锅同芝士牛奶锅，其实我都几钟意一人一个边炉又唔使用公筷又卫生望到好似好满咁，其实个底浪咗好多菜，慢慢食下食下都食得晒。肉同丸嘅份量都系唔算太多，𠮶半个王子面简直系成个边炉嘅神髓！我叫嘅系台式麻辣锅，汤底又唔算太麻但辣辣地其实都不过不失，食完之后又唔会话好口渴太多味精咁如果唔系太拣饮择食其实都OK，因为入边有好多款嘢食，每样两三旧都几过瘾。见到麻吉烧忍唔住叫咗一份！麻吉烧真系点食都好好食到最后一个完美嘅结束就系将个粉丝揼落个汤度煮，索晒成个汤底嘅精华，烟烟靭靭咁好了不起！你话佢系咪颓到好似食快餐店嘅边炉佢又唔系，豪华到出去火锅店每人食3/400蚊又唔系，佢就系in between嘅level，对得住自己个价钱嘢饮选择又多，强烈推荐柑桔柠檬梳打，酸酸甜甜解腻一流
6点9到开始等位，等得到唔算太耐，大概两三个字就可以入到去
我哋叫咗台式麻辣锅同芝士牛奶锅，其实我都几钟意一人一个边炉又唔使用公筷又卫生
望到好似好满咁，其实个底浪咗好多菜，慢慢食下食下都食得晒。肉同丸嘅份量都系唔算太多，𠮶半个王子面简直系成个边炉嘅神髓！
我叫嘅系台式麻辣锅，汤底又唔算太麻但辣辣地其实都不过不失，食完之后又唔会话好口渴太多味精咁
如果唔系太拣饮择食其实都OK，因为入边有好多款嘢食，每样两三旧都几过瘾。
见到麻吉烧忍唔住叫咗一份！麻吉烧真系点食都好好食
到最后一个完美嘅结束就系将个粉丝揼落个汤度煮，索晒成个汤底嘅精华，烟烟靭靭咁好了不起！
你话佢系咪颓到好似食快餐店嘅边炉佢又唔系，豪华到出去火锅店每人食3/400蚊又唔系，佢就系in between嘅level，对得住自己个价钱
柑桔柠檬梳打，蜂蜜红茶
37 浏览
1 赞好
0 留言
嘢饮选择又多，强烈推荐柑桔柠檬梳打，酸酸甜甜解腻一流
张贴
