COBALT

营业中

休息中

餐厅环境唔错，一入门口就见到一排酒柜，感觉适合畅饮一番🍷🍷。餐枱之间都几阔落，同朋友倾计都唔惊嘈亲隔离。烧牛肉沙律配泰式香草汁第一次食辣嘅泰式沙律，第一啖入口，有好清新嘅感觉。辣辣地唔会好呛喉，但就特别开胃。烧牛肉有5，6片，绝对唔吝啬，牛肉烧到中心微红，有牛味而且够滑，同沙律菜一齐食好合适。兰王蛋鞑靼牛肉依道菜喺出边真系比较少见，佢系生牛肉，混合左生洋葱，酸菜，青瓜等，开头都会有少少担心生牛肉口感会唔会好怪或者好腥，但完全无咁嘅事。反而将材料混合，口感唔错，而且搅拌埋蛋黄，牛肉更嫰滑湿润，对第一次食生牛肉嘅我地黎讲，真系非常有惊喜，超推荐。烤法式羊架配薯菜在店员介绍下，选择了五成熟的羊架。份量大大件，嫰滑粉红色嘅羊肉好jucy,一啲都唔膻，五成熟真系啱啱好，完全无多余血水，yummy.依三个红肉菜式，唔止唔系全熟，仲要系真“红”肉，令我见识到“红”肉宴原来系咁好食㗎。