影片
更多
2011-03-01
46 浏览
通常星期日我哋俩公婆都尽量晌屋企煮饭食，因为有多啲时间准备，唔似平日要返工比较赶。但今次就因为晏昼都各有各忙，咁就费事煮啦，揾埋舅仔一行三人出街食！本来谂住去食点心专门店，但好似唔太就脚，最后费事烦走返美孚搞掂算。拣咗牛车水，都系因为依间嘢系舅仔嘅饭堂，美孚查实都有好多茶餐厅，但佢就稍为情有独钟依间。美孚几实都有唔少选择，不过星期日嘅话就好多好食嘅都人满之患，唔爆嘅有可能唔好食，又或者系一般，牛车水就属后者，对我嚟讲，佢唔系太差，亦讲唔上好食。依晚，星期日，黄金时间，都系7乘几满，除咗味道，普罗大众当然好考虑个价钱，反观隔几个铺位嘅大家乐就爆晒，始终人哋都系平啲。牛车水食晚饭个价位就$50位左右，不过，老婆唔算大食之人，我就多有多食，少有少食，舅仔牛高马大都只系稍为叫食多少少，所以，叫两个小菜搞掂。佢依度有几款晚市套餐，其中一款叫「自选小菜二人套餐」，任拣两款精选小菜或煲仔菜，配例汤或汤羮（粟米鸡茸汤、海鲜豆腐羮、牛肉羮），加白饭两碗同热饮两杯，卖$102（另加一）。本来打算就依个二人餐扑锤，不过几款汤羮佢哋都唔太啱，如果饮例汤，不如散叫小菜，因为每款精选小菜或煲仔菜，都送例汤、白饭同
拣咗牛车水，都系因为依间嘢系舅仔嘅饭堂，美孚查实都有好多茶餐厅，但佢就稍为情有独钟依间。美孚几实都有唔少选择，不过星期日嘅话就好多好食嘅都人满之患，唔爆嘅有可能唔好食，又或者系一般，牛车水就属后者，对我嚟讲，佢唔系太差，亦讲唔上好食。
依晚，星期日，黄金时间，都系7乘几满，除咗味道，普罗大众当然好考虑个价钱，反观隔几个铺位嘅大家乐就爆晒，始终人哋都系平啲。牛车水食晚饭个价位就$50位左右，不过，老婆唔算大食之人，我就多有多食，少有少食，舅仔牛高马大都只系稍为叫食多少少，所以，叫两个小菜搞掂。
佢依度有几款晚市套餐，其中一款叫「自选小菜二人套餐」，任拣两款精选小菜或煲仔菜，配例汤或汤羮（粟米鸡茸汤、海鲜豆腐羮、牛肉羮），加白饭两碗同热饮两杯，卖$102（另加一）。本来打算就依个二人餐扑锤，不过几款汤羮佢哋都唔太啱，如果饮例汤，不如散叫小菜，因为每款精选小菜或煲仔菜，都送例汤、白饭同热饮，价钱范围晌$46-$50，散叫两个都唔使一旧水，有时真系「套餐平过散叫」都唔系必然道理！
老火例汤青红萝卜粟米煲猪骨，都唔算行货，饮落汤味算OK，唔会淡戊戊，至紧要佢无落味精啫，始终例汤唔会太要求。系唯独是份量甚多，用成五吋直径阔口西汤碗装，所以，一碗例汤相等于平时屋企饭碗两碗咁。
鲍片海鲜杂菜煲 $46虽然叫做又鲍片、又海鲜，但卖得咁嘅价，真系唔好期望有咩靓料。叫得鲍片海鲜，佢无吹水，真系俾足，之不过鲍片薄薄两片，鱿鱼、虾仁、带子、竹笙样样少少，大量白菜仔、菜心垫垫底。因为汤底好淡，无乜味，连带啲海鲜都感觉太清太寡，好似白烚，整体嚟讲普通！
椒盐鲜鱿 $50鲜鱿鲜味软熟，系粉浆稍稍厚咗啲，但个人嚟讲可接受，唔会一咬成旧粉咁。盐味就够晒秤，辣椒就嫌佢唔够㖞，食落辣味似有还无咁，所以未够惹味，好彩佢就够晒热辣辣。
依度嘅白饭亦相对大碗，而且滔得几满，所以，两碗白饭够晒我哋三个人食，故此都见好几枱一家三口，或两女一男都系叫个二人餐就搞掂！
张贴
