八哥主題餐廳 (已結業)

相信大家都一定系网上见过一个八哥慕丝，今日我就特登黎朝圣。一人到去就已经见到好多八哥既装饰，真系好似同既八哥一齐食紧野咁。 我就叫左个巴马火腿焗薯蓉，见到个名已经留哂口水，估唔到比想像中更加好。外型好靓，中间既巴马火腿卷成一朵玫瑰花，好优雅，而且风干得非常好，香浓又唔会太硬身。而薯蓉整得好好，超幼滑，加埋表面一层烧焦既芝士，好夹好好食。 另外又叫左个卡邦尼意粉，个意粉煮得唔错，条条都好分明，而且口感好好。酱汁几特别，芝士味唔算好重，反而系有浓郁既酒香味，加上烟肉碎，好香浓。 最后就紧系今日既主角出场，就系呢个八哥3D朱古力味慕丝配美国芝士蛋糕，系网上见到呢只八哥，就已经好想食。本身好惊会中伏，同网上既唔同，点知竟然有惊喜。八哥既外型整得好真，甚至连一条条毛都整左出黎，真系完全系一只细狗仔咁，好得意。特别系八哥既头，整得好仔细好真，食个下都有少少唔忍心，觉得有少少残忍。而味道亦几高质，朱古力慕丝好冰冻，但又保持入口即融既口感，加上朱古力味好浓郁，非常好食。而芝士蛋糕亦唔错，特别系连埋朱古力慕丝一齐食，特别又意外地夹。