影片
更多
2022-03-26
1311 浏览
近年，饮食圈多咗讲咩无麸质、纯素、生酮嘅食物，老实讲，小弟呢份人食嘢唔算好无节制，但又唔算得好健康，不过，老婆喺偏素素食者，所以，食嘢就「被健康咗」。讲到生酮，年几前就到访过西环嘅「Infiniti C」，算叫做接触过生酮饮食。最近，就晌啲饮食杂志睇过一篇介绍，介绍新开无耐嘅汉堡包店「the Engine」，所以，趁过到嚟奥海城，就过一过利奥坊嘅「the Engine」，买啲外卖返屋企当午餐！当睇篇介绍，唔喺啲生酮包吸引我，反而喺对𠮶个以金文毕芝士做包身嘅汉堡好大兴趣，因为小弟一向都几喜欢食芝士，自问未算芝士控，但确实觉得呢款汉堡好有亮点！此外，就算其他汉堡、小食都好特别。至于生酮咩意思，文章都有概略介绍，小弟都唔再多讲。其实，从店面，已睇到店内嘅装修好型格，一室以闪闪𫞠嘅银色为主调，左边组装咗一个飞机引擎嘅喷射锅轮，配合番餐厅名字，中间点餐及取餐嘅位置，睇嚟似引擎嘅外壳，又带有少少科幻感。虽然，餐厅就主打做外卖，但右边角落旁都有张小枱，叫做堂食都可以。点餐除直接晌柜枱点餐之外，亦可以晌一边嘅大屏幕自助点餐。除主打嘅6款汉堡之外，仲有沙律、椰菜花饭、低碳薄饼、小食及多款低碳饮品。凡点选
当睇篇介绍，唔喺啲生酮包吸引我，反而喺对𠮶个以金文毕芝士做包身嘅汉堡好大兴趣，因为小弟一向都几喜欢食芝士，自问未算芝士控，但确实觉得呢款汉堡好有亮点！此外，就算其他汉堡、小食都好特别。至于生酮咩意思，文章都有概略介绍，小弟都唔再多讲。
其实，从店面，已睇到店内嘅装修好型格，一室以闪闪𫞠嘅银色为主调，左边组装咗一个飞机引擎嘅喷射锅轮，配合番餐厅名字，中间点餐及取餐嘅位置，睇嚟似引擎嘅外壳，又带有少少科幻感。虽然，餐厅就主打做外卖，但右边角落旁都有张小枱，叫做堂食都可以。
点餐除直接晌柜枱点餐之外，亦可以晌一边嘅大屏幕自助点餐。除主打嘅6款汉堡之外，仲有沙律、椰菜花饭、低碳薄饼、小食及多款低碳饮品。凡点选上述主食，都可以加$28转为套餐，加配半份小食及低糖梳打，又或者只加$12，加配低糖梳打。
此外，亦有一张午餐餐牌，当中主要供应沙律及椰菜花饭，已包低糖梳打或是日餐汤，定价都喺$68-$88。总之都喺健康之选，所以，就算食汉堡、薯条，都可以喺「Comfort Food」！
之前食夏威夷盖饭（Poke）时，都试过椰菜花饭，所以，今次就主力试其汉堡，另外，再加一份小食（因为未试过咩以天贝做薯条）以及两「罐」梳打。
天贝薯条 $38老实讲，问我「天贝」喺乜？小弟真喺唔识，上网查原本喺嚟自印尼一啲利用黄豆跟天贝菌发酵而成嘅食物，外表似一块饼，切开似鸟结糖，实实哋，硬硬哋，但由于喺豆制品，就好有营养。入口就无一般薯条咁脆法，但似喺加咗好多芝麻、奇亚籽之类，宁舍有咬口，而且，非常之香，亦无乜油腻感。
烟三文鱼牛油果生酮汉堡 $102我都估老婆拣呢一款健康汉堡，早前食薄饼又喺拣呢两款食材做配搭。最独特当然喺个生酮汉堡包身啦，外表比较粗糙，以为会好硬，又唔喺㖞，当然唔叫软熟，但就似食啲欧陆麦包，好有口感；包内除涂上牛油果酱，夹有烟三文鱼之外，仲有生菜、青瓜、紫洋葱、蕃茄、烟肉，所以，味道极之丰富，够晒多元营养。
烟三文鱼牛油果生酮汉堡
$102
32 浏览
0 赞好
0 留言
都话睇过篇杂志介绍，已镇定试佢，哗哗哗！未打开，拎上手已觉得斤两十足，好坠手，打开包装，上下两大片作为包身嘅金文毕芝士真喺好坚，又烘得软软，口感柔软，芝士味香浓唔会太霸道，不过，唔好睇小佢，食完个汉堡都几滞吓。而个包里面，仲夹有超厚身，却好松化嘅手打牛肉，以及生菜、青瓜、蕃茄、烟肉同少少酸菜，食起嚟非常有惊喜，故此，呢个汉堡真喺好物有所值。
金文毕芝士牛肉汉堡
$118
13 浏览
0 赞好
0 留言
原价就标$22，但夹埋个汉堡，就只收$12。个蜜桃乌龙茶唔似台式𠮶种咁浓茶味，并且，由于做成梳打关系，口感会比较清爽啲，带点点桃香；而后者椰青水梳打是新品，味道又几清甜，同样口感清爽，亦喺低糖，唔太甜，所以，两者用嚟配汉堡包食效果几唔错。
希望疫情快啲过去，而晌呢段艰难时刻，确需要大家同舟共济，一同渡过难关。做饮食行业嘅朋友，都挨得过呢个寒冬，明天会更好！
张贴
