兩姊妹涼皮有限公司 (柏樹街) (已搬遷) 新店位置

系太子行过想买外卖返屋企食，谂住食辣嘢所以就行去两姊妹凉皮，见到都多人等紧外卖。我就叫咗招牌两姊妹凉皮(中辣)同椒麻鸡(中辣)，因为我唔食荽茜同花生，所以都叫咗走荽茜，花生。等咗大概10分钟就有得拎。平时食开谭仔中辣嘅我就觉得两姊妹个中辣唔够辣，可能下次要叫大辣先得。凉皮同平时食嘅好唔同，两姊妹嘅凉皮系厚身啲，食落烟韧啲。同埋佢个调味系偏甜，唔会觉得好重口味。椒麻鸡都唔错，鸡肉嫩滑，调味都足够，仲有几嚿青瓜垫底，但都唔系唔够辣。同埋佢个份量少左啲，同屋企人share食两嚿就无，唔系好值$52。除左价钱之外整体都唔错，下次行过都会再买！