八分廚

营业中

休息中

朋友生日，唔想又去吃放题buffet 之类，上网揾吓睇吓有咩新餐厅可以试吓，唔觉意揾到呢间八分厨，就打去问吓资料。一问之下原来佢地每晚只做一个party，咁就啱晒啦，够private。但系佢地有minimum charge $4200，虽然我哋得五条友，不过老死生日，食豪啲啦！工厦上楼环境都算几okay，去到门口见到有幅油画响铁闸几吸睛，原来系佢地人手画㗎，几有意思。开门一入就系用餐位置，唔怪之得每晚一个party，因为地方真系唔大，但系感觉舒服干净，而且私隐度真系好高，至爱。到食物喇，四个字：实而不华！完全同响酒楼或者一般嘅中餐好唔同，无乜出晒烟五颜绿色嘅摆盘，但每一味都好精彩，而且有好窝心嘅感觉，可能同厨师会成日走出嚟同我地倾两句有关。最后仲有生日惊喜，熄哂灯播埋生日歌比寿星仔切蛋糕吹蜡烛，由于冇其他人在场，完全可以尽兴！想揾新地方又钟意私窦嘅朋友，一定要嚟试吓。