一盛極牛 (已結業)

香港开左好多拉面舖，有唔少都系豚骨汤底再加豚肉，分别可能只系汤头浓度或者肉量多少。呢间舖主打既系牛，自问未曾见识过，所以去试下。可能系平日去既关系，无咩人排队，好快就安排到入座入到去个环境好舒服，枱与枱之间有距离，贴左唔少日本海报，播下日本歌，有置身日本既感觉。餐牌基本上得三种，牛肉丼、极牛同白牛拉面。拣左两份牛，因为可以试到刺身同火炙。一试汤头，味道好特别，好重牛肉味，饮落去唔会觉得油腻。刺身牛肉好薄身，食个时个口充满牛味，唔会难咬开。火炙和牛烧得岩岩好，咬落去有肉汁唔会老。拉面个质感较硬身，份量正常。流心蛋同紫菜都系好入味，同汤底融入到。纯粹好耐无饮过，唔系好多餐厅有，都颇大杯。如果想试d唔同口味既拉面，相信呢间会迎合到大家。